फौज पेटते आहे!

फौज पेटते आहे!

पुन्हा एकदा निळे 
आभाळ फाटते आहे
रणझुंजार लोकांची पुन्हा
फौज पेटते आहे!

अडकला इथे जो तो 
आपल्याच हिशोबात
कुणाशी सोयीर ना सुतक
भोवताल असा सैरभैर
काळीज फाटते आहे
...फौज पेटते आहे!

अथांग जनसागरात
माणूसच सापडत नाही
शुभेच्छांचा वर्षाव आभासी
खरे प्रेम आटते आहे
...फौज पेटते आहे!

उठा मावळयांनो आता
आठवून इतिहास पाने
बना मजबूत अंतर्बाह्य
पुन:प्रज्वलित करा मने
बदल होईल वाटते आहे
...फौज पेटते आहे!

असा काळ खडतर
अंधारला भर दिवस
मनाच्या खोल तळाशी
क्रांती मशाल चेतते आहे
...फौज पेटते आहे!

आपला
प्रा.डॉ.विठ्ठल खंडुजी जायभाये
कै.रमेश वरपुडकर महाविद्यालय, सोनपेठ जि.परभणी
दिनांक:02.06.2023

Comments

Post a Comment

Popular posts from this blog

राजा श्रीरामचंद्र आणि वर्तमान

Image
  राजा श्रीरामचंद्र आणि वर्तमान माणूस नावाचा प्राणी शेवटपर्यंत माणसाला कळला तर ते जगातील सर्वात मोठे संशोधन असेल! कितीही प्रयत्न केले तरी माणसातील विकार संपतील का? हा प्रश्न अनेक महामानवांनी, दर्शनीकांनी उपस्थित केलेला आढळून येतो. माणूस मोठा स्वार्थी आणि मतलबी असल्यामुळे त्याने आत्तापर्यंत सृष्टीतील सर्वच गोष्टींचा केवळ त्याच्या स्वार्थासाठी पुरेपूर उपयोग केलेला दिसतो. त्यातच एखाद्या महापुरुषाला देव केले, त्याची मूर्ती करून मंदिरात प्रतिष्ठापना केली, त्याची पूजा - अर्चा, आरती झाली की माणूस त्याला हवं तसं काम करायला आणि त्या मूर्तीचा हवा तसा उपयोग करायला मोकळा! कोणत्याही गोष्टीचे धर्माच्या नावाखाली भावनिक चित्रण केलं की भोळी, भाबडी, साधी, निरागस, देवाला भिनारी बिचारी माणसं देवाच्या नावाखाली जे सांगाल ते ऐकायला आणि करायला तयार. असं असलं तरी आज राज्यात होणाऱ्या किळसवाण्या घटना पाहून मन प्रचंड व्यथित होतं. उच्चशिक्षित, उच्चभ्रू, श्रीमंत कुटुंबातील आणि विविध राजकीय आणि शासकीय पदावर असलेल्या लोकांनी आपला विवेक अक्षरशः थोतांड आणि कर्मकांड या समोर गहाण टाकलेला पाहून मन विषन्न, व्यथीत होत...
Read more

फुल!

Image
फूल! सकाळी फुललेलं फूल सायंकाळी मलुल होतं हावरट, लोभी माणसाला जीवनगाणं शिकवून जातं! फुलांचा तो निरव रंग  पाहताच मन होई दंग मनी उठती अनंत तरंग मन गायी सुरेल अभंग! फुल सदा फुलविते जग काळजात घेऊन नित्य धग पूर्वेला फुले सूर्यफूल असे हे सदा जागवी जीवसृष्टी सजग! जन्मताच जन फुले वाटती गृहस्थात ही फुले दाटती नित सुंदर फुलली अवनी फुलेच करती समारोप जीवनी! म्हणून सदा फुल व्हावे फुलांकडे पाहून जगावे सुखदुःख चढ उतार जगी सदा फुलांचेच गीत गावे! -प्रा.डॉ.विठ्ठल खं.जायभाये सोनपेठ जि.परभणी
Read more

गोपीनाथ मुंडे: अमोघ वक्तृत्व, अद्वितीय लोकनेता!

Image
  गोपीनाथ मुंडे: अमोघ वक्तृत्व, अद्वितीय लोकनेता!             काळाच्या किल्ल्या कुणाच्याच हातात नाहीत! मृत्यु अटळ असून माणसाला तो कोणत्या वळणावर येऊन मिठी मारेल(?) याची अजिबात शाश्वती नाही! नियतीने कुणाच्या भाग्यात काय लिहिले आहे(?) हे कुणालाच माहित नाही, असे असले तरी इथे प्रत्येकजण आपल्या दुर्दम्य इच्छाशक्तीच्या बळावर आकाशाला गवसणी घालण्यासाठी धडपडतोय! याच वैश्विक न्यायाने काही माणसं आपल्या दैदिप्यमान कार्य-कर्तृत्वाने आपले जगणे-जीवन जनमानसांच्या हृदयावर आरूढ होऊन वलयांकित करतात! दुर्दैवाने नियतीला हे पहावत नाही आणि ती माणसे अचानक कालवश होतात! त्यावर कुणाचाच विश्वास बसत नाही! याचप्रमाणे महाराष्ट्राची बुलंद तोफ, संघर्षपुत्र, जनतेच्या मनावर अहोकाल अधिराज्य गाजवणारे लोकनेते, केंद्रीय मंत्री नामदार गोपीनाथराव मुंडे आजपासून बरोबर नऊ वर्षापूर्वी एका अपघाताची शिकार होतात आणि तमाम जनतेला अश्रूंच्या महासागरात ढकलून आपण जगाचा निरोप घेतात! ही दुर्दैवी घटना वर्णन करायला शब्दकोशांत शब्दच सापडत नाहीत! नेमकं काय म्हणावं या नियतीला? तो दिवस...
Read more